Hoxe na horta de Brais das Hortas hai concerto. Mellor dito: Consertasso! Todo da casa!
Grelos e temassos, cun equilibrio variado de formas e estilos - como debe ser nun ecosistema musical diverso e saudable!
A Santa Compaña aparécese entre as patacas cantando un trap.
Hai unha pulga punk da praia de Liméns.
As cabras tiran para o monte e os caracois reivindican o seu ritmo: o reggae.
Entre as cenorias, os lagartos toman o sol ao son dun tumbao -é o propio!- e os kiwis non paran de brotar bailando ska.
Tamén hai sitio para os soños, coma o de ser astronauta, ou para pedirlle axuda ás veciñas para botarlle o sulfato as viñas. E máis temassos entre guitarrazos, charangazos e un lote de instrumentazos máis.
Música e humor para toda a familia.
Letras e arranxos coidados para sementar e apañar risas e ganas de cantar xuntas.
- Elenco:
- Brais das Hortas
- Nome do espectáculo:
- Consertasso na horta
- Modalidade artística:
- Música ao vivo, Teatro, Humor
- Público ao que vai dirixido:
- Infantil e familiar
- Idioma:
- Galego
- Duración do espectáculo:
- 50
- Localización:
- Espazo exterior ou interior
- Premios
- Finalista dos Premios Martín Códax da Música no ano 2023.