Versións de clásicos do Blues, Soul, Rhythm'n'Blues... Adaptados á idiosincrasia e retranca galegas. E dá gusto! Si, señora! Blues en galego! Otis Redding no peirao da Coruña, ou Etta James mariscando en Cabo da Crus, B.B. King nun furancho en Redondela ou Eric Clapton lendo a Castelao... Todo iso é posible con Blues do País.
Música de calidade, en galego, mesturada con teatro, clown e improvisación. Enerxía e entrega total en cada directo e unha discografía coidada no breve percorrido deste dúo galaico-mississipeño.
- Nome do grupo
- Blues do País
- Integrantes
- Iseo Agilda e Brais das Hortas
- Nome do espectáculo
- Blues do País. Versión duo
- Modalidade artística
- Música ao vivo, Teatro clown
- Público ao que vai dirixido
- Adulto e familiar
- Idioma
- Galego
- Duración do espectáculo
- 60 minutos
- Localización
- Espazo exterior ou interior