Berlai é o proxecto musical creado por Xiao Berlai. Música sen complexos que bebe da tradición galega, do rock, do jazz, do indie-pop e da música electrónica. As letras das cancións nacen como imaxes obsesivas do universo galego: onde as berzas son urbanas, ou o millo necesita cintas de balizamento policial.
Berlai é música galega rururbana, punk elegante, pop transgresivo, como consecuencia lóxica á música post-bravu, e así se transmite nos seus traballos: Desconhecido, Cas Berlai ou o novo Estampas Galegas.
No concerto de Berlai desfrutarás da calidade dos seus músicos nun espectáculo cargado de ironía, retranca e bo humor. Música directa e chea paixón. Mesturando realismo cru e obsceno co lirismo máis refinado cando é necesario.
Moitas das cancións son precedidas de pequenas historias, reflexións ou experiencias reais cargadas de sorna e franqueza a partes iguais.
Concertos onde a música dialoga coa ilustración convertendo o seu directo nunha experiencia única, ou concertos onde o canto á vida cotiá nos axuda a desconfinar o espírito, ou concertos onde a mestura de temas enche de forza o espectáculo musical.
- Nome do grupo
- Berlai
- Nome do espectáculo
- Estampas galegas
- Integrantes
- Xiao Berlai, Iago Mourinho, Pablo Pérez, Bruno Couceiro
- Modalidade artística
- Música ao vivo
- Público ao que vai dirixido
- Todos os públicos
- Idioma
- Galego
- Duración do espectáculo
- 75 minutos
- Localización
- Espazo exterior ou interior