Sacha na horta nace no 2008, logo de gañar o concurso “A polo ghit” organizado por Radio Galega e Vieiros, no que se escolleu “Biocultivos” como canción galega do verán. O premio foi unha viaxe á Habana para tocar na Feira do libro, unha experiencia simpática e estrafalaria que motivou a xuntanza dunhas cantas amigas para crear un repertorio e unha banda.
A partir de aí foise definindo un estilo propio, que demos por chamar “agro - punkcharanga”, no que as voces das mulleres atopan toda a forza, a urxencia e a liberdade para se expresar e falar do mundo que elas ven e tamén do que desexan. Para Sacha na Horta é unha forma de expresión, un traballo, unha familia e unha forma de activismo social.
En 2014 sacan o seu segundo traballo Horta Revolution. Ese é o nome do espectáculo que teñen actualmente. Sacha na Horta tocou en diferentes festivais por toda Galicia: Festival de Pardiñas, Festival Poesía no Condado, Festival Millo Verde, Antrospinos, Foliada de Melide e moitos máis.
- Nome do grupo
- Sacha na Horta
- Integrantes
- Iseo Agilda, Brais das Hortas, María Iglesias, Alenya Espiñeira, Carmen Rico, Adrián Rei, Gilbert Eiche, Miguel Paz, María Prado
- Nome do espectáculo
- Horta Revolution
- Modalidade artística
- Música ao vivo
- Público ao que vai dirixido
- Adulto e familiar
- Idioma
- Galego
- Duración do espectáculo
- 75 minutos
- Localización
- Espazo exterior ou interior