Factoría de Subsistencia está integrada por artistas que sempre estiveron relacionados coas músicas deste país ata que, por fin, cruzaron os seus camiños para poñer en marcha este proxecto común. Os aromas de Korosi Dansas, Magritte, Xestreu, Carapaus, Emilio Rúa, e outros dos moitos proxectos nos que participaron, flúen ao longo da súa discografía, que navega descaradamente polas augas do rock alternativo.
O grupo ten publicados tres discos Cerca da túa orella (2015), Amores fraticidas (2019) e Respirando... sempre!! (2023).
Todas as súas creacións musicais caracterízanse por ter un ollo posto na realidade do país e o outro na creación artística do noso país veciño Portugal.
Os temas que, nun primeiro momento saen dos miolos de Josito Porto, pasan por un proceso creativo e colaborativo da banda, creando pezas de gran calidade e enerxía que se exhiben sen pudor nos seus directos.
Dentro deste universo musical creado por Factoría de Subsistencia, resulta inevitable que exista unha forte presenza teatral na procura da comuñón co público.
- Nome do grupo
- Factoría de Subsistencia
- Integrantes
- Josito Porto, Sabela Dacal, Rafa Otero, Adrián Ríos
- Nome do espectáculo
- Respirando... sempre!!
- Modalidade artística
- Música ao vivo
- Público ao que vai dirixido
- Todos os públicos
- Idioma
- Galego
- Duración do espectáculo
- 75 minutos
- Localización
- Espazo exterior ou interior